O. Henry nu’udar William Sydney Porter niak pseudónimo, e no naran ida-ne’e mak nia sai hakerek-na’in história badak niak ne’ebé inclui entre sia ne’ebé naran-boot liu hotu iha literatura Estados Unidos niak, no iha literatura mundo tomak niak. Nia moris iha 11 de setembro de 1862, iha Greensboro, Carolina do Norte, EUA, no nia mate iha Nova Iorque iha 5 de junho de 1910.
Iha 1920, quase exemplar milhão lima nussi niak livro sia fa’an tian iha EUA. Desde 1919 to’o agora, iha EUA iha prémio literário importante ida ne’ebé nili história badak sia ne’ebé kapás liu ne’ebé publica iha cada tinan ne’ebé tau niak naran, mak “O. Henry Memorial Award Prize Stories”. Niak história wa’in, inclui “Liurai Matenek siak presente”, nalo tia ba filme sia iha cinema no iha televisão. Mesmo iha Rússia comunista sia publica tradução ba niak história badak sia no ema wa’in-wa’in beer lê buat ne’ebé nia nakerek no hakerek-na’in wa’in buka at nassara niak jeito nodi nakerek história. La iha buat ida marxismo niak iha niak histórias, mais sá mak iha mak preocupação tebes no desafio sia, no tristeza e no ksolok iha vida ema waiwain niak, ema kbiit-laek, nussi povo.